नशाबंदी मंडळ महाराष्ट्र राज्य व डी. एस. देशमुख माध्यमिक व उच्च माध्यमिक विद्यालय, थोरगव्हाण यांच्या संयुक्त विद्यमाने मादक पदार्थ सेवन विरोधी दिन साजरा करण्यात आला. या कार्यक्रमाच्या माध्यमातून युवकांमध्ये व्यसनमुक्तीबाबत जनजागृती करण्यात आली.
कार्यक्रमात संस्थेचे संचालक रविंद्र काशिनाथ ( काकाश्री ) चौधरी यांनी विद्यार्थ्यांना सुदृढ आरोग्याचे महत्त्व सांगताना त्यांनी अंगीकारलेल्या जीवनशैलीचे व दररोज पायी चालण्याचे फायदे विशद केले.
संचालक चंद्रकांत पाटील यांनी सामाजिक न्याय दिना निमित्त उपस्थितांना शुभेच्छा दिल्या.
या कार्यक्रमाचे प्रास्ताविक व मनोगत मुख्याध्यापक डी. के. पाटील यांनी केले.
वाय. जे. कुरकुरे, एस. बी. सपकाळे यांच्यासह सर्व शिक्षकवृंद, शिक्षकेतर कर्मचारी व विद्यार्थी मोठ्या संख्येने उपस्थित होते.
मादक पदार्थ सेवन विरोधी प्रतिज्ञा वाय जे कुरकुरे यांनी विद्यार्थ्यांकडून वदवुन घेतली . कार्यक्रमाचे सुत्रसंचालन व आभार एस बी सपकाळे यांनी केले
कार्यक्रमाच्या यशस्वीतेसाठी संपूर्ण विद्यालय परिवाराचे सहकार्य लाभले.
