पद्मविभुषण मा खा शरद पवार यांच्या 84व्या वाढदिवसाच्या निमित्ताने राष्ट्रवादी काँग्रेस शरदचंद्र पवार पक्ष भुसावळ तालुक्याच्या वतीने ऍड रवींद्र भैय्यासाहेब पाटील यांच्या अध्यक्षतेखाली भुसावळ येथे 84 ज्येष्ठ नागरिक यांचा सन्मान सोहळा व आरोग्य तपासणी शिबीर सोहळा सपन्न झाला. यावेळी पक्ष चिन्हाचा केक 90 वर्षांचे सोनवणे काका यांच्या हस्ते कापून कार्यक्रमाची सुरवात केली. याप्रसंगी पवार साहेब यांची राजकीय सामाजिक कारकीर्द लोकसेवेतच झाली अनेक धोरणत्मक निर्णय घेत शेतकरी ,उद्योग व्यवसाय , सरकारी कर्मचारी, महिला सक्षमीकरण, सहकार क्षेत्र याबाबत पवार साहेबांचे निर्णय महाराष्ट्र तथा देश हिताचे व विकासाचे ठरले मात्र ज्यांची लायकी नाही असे लोक पवार साहेबांवर खालच्या भाषेत टीका करतात असे वाय आर पाटील सर यांनी मांडले तर पवार साहेबांची कामे विचार लोकांपर्यंत आपल्या नातवंड व पुढच्या पिढीला समजावून सांगण्याचे आवाहन जतीन मेढे सर यांनी सत्कारार्थी ज्येष्ठ नागरिकांना केले.
