5 नोव्हेंबरला पहाटे विविध धार्मिक व सांस्कृतिक कार्यक्रमांचे आयोजन केलेले असून सर्वप्रथम भगवंताचे अभिषेक व पूजा, आरती ,प्रार्थना, उद्घाटन समारोह , ध्वजारोहण, वृक्षारोपण, यात्रा आशीर्वाद एवं मांगलिक श्रवण पूर्ण करून, त्यानंतर पदयात्रेस मार्गस्थ करण्यात येईल.
पदयात्रा 5 नोव्हेंबर रोजी सकाळी 6.40 मि. वाजता दिगंबर जैन मंदिर आठवडे बाजार भुसावळ येथून सुरू होऊन चोरवड- जामनेर- अजंठा- सिल्लोड- फुलंब्री- सावंगी फाटा मार्गे श्री चिंतामणी 1008 पार्श्वनाथ भगवान, कचनेर येथे 11 नोव्हेंबर सोमवार रोजी संध्याकाळी समारोप होईल.
तरी पदयात्रेत आपले नाव नोंदणी करण्या करिता भुसावळ नोंदणी व संपर्क प्रमुख रुपेश गोधा, विकास गोधा,जय दोशी, गजेंद्र रुईकर व चेतन जैन हेमावत यांना संपर्क करावा असे आवाहन पदयात्रेचे प्रायोजक, कासलीवाल परिवार, गोधा परिवार व डोशी परिवार, भुसावळ यांनी केले आहे.
तरी सर्व सकल जैन समाज बांधवांनी, जास्तीत जास्त संख्येत उपस्थित राहून पदयात्रेकरूना आशीर्वाद, शुभेच्छा व अनुमोदना देण्याकरीता उपस्थित राहावे, असे आवाहन सकल जैन समाज, दि.जैन युवा मंच,जैन युवा ग्रुप, राष्ट्रीय जैन सेना भुसावळ यांनी केले आहे.
