दि 2 ऑक्टोबर रोजी वरणगाव येथील छत्रपती शिवाजी महाराज मंगल कार्यालय येथे शेतकरी पीक व्यवस्थापन कार्यशाळा कृषिसाम्राट ग्रुप जळगांव आणि बळीराजा कृषी केंद्र वरणगाव यांच्या संयुक्त विद्यमाने आयोजित करण्यात आली होती
कार्यक्रमाच्या अध्यक्षस्थानी कृषिसाम्राट ग्रुप चे अध्यक्ष बाळासाहेब सूर्यवंशी तर प्रमुख मार्गदर्शक म्हणून नि प्रकल्प संचालक (आत्मा) जळगांव डॉ अनिल भोकरे, राहुरी अहमदनगर येथील कृषीभूषण डॉ दत्तात्रय वने,कृषिसाम्राट ग्रुप चे सीइओ प्रसाद सुर्यवंशी हे उपस्थित होते हरभरा आणि कांदा पीक व्यवस्थापन संदर्भात मार्गदर्शन करतांना डॉ वने यांनी सांगितले की रब्बी हंगामात घेतल्या जाणार्या पिकापैकी हरभरा हे एक महत्वाचे कडधान्य पिक आहे. या पिकाचे शेती आणि मानवी आहारात अनन्य साधारण असे महत्व आहे. महाराष्ट्र राज्यातील गेल्या दोन-अडीच दशकामधील हरभरा लागवडीखालील क्षेत्र, उत्पादन आणि उत्पादकता याचे अवलोकन केले असता, यामध्ये सातत्याने वाढ झाल्याचे दिसून येते.
