याबाबत पोलीस सूत्राकडून मिळालेली माहिती अशी की शांतीनगर भागातील माजी नगरसेवक प्रमोद नेमाडे यांच्या घराच्या पुढे असलेले डॉ . व्ही . ए नेमाडे हे वयोवृध्द आपल्या पत्नीसह राहतात . त्यांचे कुलर खराब असल्यामुळे पुढच्या खोलीत झोपलेले होते . याचा फायदा घेऊन मध्यरात्री नंतर दोन वाजेच्या सुमारास अज्ञात चोरट्याने मागच्या खोलीच्या खिडकीचा ग्रील तोडून घरात आत प्रवेश केला व कपाट तोडून आतील अंदाजे ९ तोळे सोन्याचे दागिने व ३५ हजार रुपये रोख घेऊन पोबारा केला आहे . या घटनेने नागरिक भयभीत झाले आहे . याप्रकरणी शहर पोलीस ठाण्यात गुन्हा दाखल केला .असून ठसे तज्ञ व श्वान पथक यास पाचारण करण्यात आले होते . अधिक तपास पोलीस निरिक्षक गजानन पडघन करीत आहेत .
