सुरवातीस त्याने उडवाउडवीची उत्तरे दिली होती पण पोलिसी खाक्या दाखवताच गोळीबार प्रकरणातील आरोपी असल्याचे त्यांने सांगितले .
सदर आरोपीची वरणगांव ग्रामिण रुग्णालयात वैद्यकीय तपासणी करून त्यास भुसावळ तालुका पोलीस स्टेशनच्या ताब्यात देण्यात आले आहे .
सदर प्रकरण घडल्यानंतर आरोपी हा सुसरी जवळ असलेल्या आसरा मंदिराच्या जवळ असलेल्या वनखात्याच्या परिसरात लपून बसला होता . दोन दिवसा पासुन वरणगांव पोलीस त्याचा शोध घेत होते . रविवारी सायंकाळी राष्ट्रीय महामार्गालगत असलेल्या जान्हवी हॉटेल जवळ तो जेवणासाठी आला असता वरणगाव पोलीस स्टेशनचे स .पो. नि . आशिष अडसूळ , पी एस .आय परशुराम दळवी , इस्माईल शेख व पो हे कॉ प्रशांत ठाकूर , भूषण माळी यांनी त्यास अटक केली आहे .
