वरणगाव येथे मोदी सरकारने केलेल्या भाववाढीच्या निषेध म्हणून राष्ट्रवादी काँग्रेस तर्फे पेट्रोल पंपावर एप्रिल फुल आंदोलन करून गॅस सिलेंडरला हार घालण्यात आला आहे .
यावेळी मोदी सरकार च्या विरोधात घोषणा देण्यात आल्या . याप्रसंगी वाय आर पाटील सर यांनी सांगितले की पेट्रोलचे भाव , गॅस सिलेंडरचे भाव तसेच सर्व जीवनावश्यक वस्तूचे भाव भयंकर वाढले असून भाजपा सरकारने आपल्याला दिशाभूल केली आहे . त्यामुळे अश्या खोट्या आश्वासनाला बळी पडू नका . भान ठेवून भाजपाच्या कमळाला मतदान करू नये .
कमळाचे फूल एप्रिल फुल अशी परिस्थिती निर्माण झाली असून शेतकरी ,कामगार ,शेतमजूर , सर्वच अडचणीत सापडले असून भारतीय जनता पक्षाने जनतेला वेठिस धरण्याचे कार्य केले आहे .
