थोरगव्हाण प्रतिनिधी युवराज कुरकुरे
गाते (ता. रावेर) येथील मूळ रहिवासी आणि डी. एस. देशमुख माध्यमिक व उच्च माध्यमिक विद्यालय, थोरगव्हाण येथील माजी विद्यार्थी तुषार मंगला किशोर मोरे यांची नुकतीच मुंबई पोलिस दलात निवड झाली आहे. तुषार गाते स्टेशन येथून दि . 25 में रोजी मुंबई येथे ट्रेनिंगसाठी रवाना झाला आहे . त्यांच्या या उल्लेखनीय यशामुळे संपूर्ण गावात आणि विद्यालयात आनंदाचे वातावरण पसरले आहे.
तुषार मोरे यांनी थोरगव्हाण येथील डी. एस. देशमुख विद्यालयात 5 वी ते 12 वी पर्यंतचे शिक्षण घेतले. विद्यार्थीदशेत त्यांनी शिस्त, प्रामाणिकपणा, राष्ट्रभक्ती, सर्वधर्म समभाव ही मूल्य इतर विषया सह स्काऊट उपक्रमांमधून आत्मसात केली. बालपणीच पितृछत्र हरवले, तरीही धैर्याने आणि मेहनतीने परिस्थितीवर मात करत, शिक्षणासोबत मोलमजुरी करून स्वकर्तृत्वाने यश प्राप्त केले. आज त्यांनी मुंबई पोलिस दलात निवड होऊन आपल्या कुटुंबाचे, शाळेचे आणि गावाचे नाव उज्वल केले आहे.
दी एज्युकेशन सोसायटी, थोरगव्हाण अध्यक्ष चंद्रकांत चौधरी उपाध्यक्ष उमाकांत बाऊस्कर सचिव पवन चौधरी सहसचिव रामराव देशमुख सर्व .संचालक मंडळ व डी. एस. देशमुख विद्यालयाचे मुखाधापक सत्यनारायण वैष्णव पर्यवेक्षक डी के पाटील सर्व शिक्षक व कर्मचारी वर्ग तुषार मोरे यांचे अभिनंदन करतात आणि त्यांना पुढील वाटचालीसाठी मन:पूर्वक शुभेच्छा दिल्या आहेत .
