सतीश पाटील भडगाव तालुका प्रतिनिधी
*गुढे (ता. भडगाव) येथील रहिवासी आणि सध्या पुण्यात वैद्यकीय सेवेत कार्यरत असलेल्या सौ. नेहा मिलिंद जोशी आणि सौ. रोहिणी किरण जोशी यांनी गेल्या अनेक वर्षांपासून विविध सामाजिक, धार्मिक आणि आरोग्यसेवेच्या माध्यमातून उल्लेखनीय कार्य केले आहे. त्यांच्या या निःस्वार्थ सेवाभावाची दखल घेत स्वराज्य क्रांती सेना पँथर आर्मी संघटनेच्या वतीने पुणे येथील श्रमिक पत्रकार संघ कार्यालयात त्यांना राज्यस्तरीय पुरस्काराने सन्मानित करण्यात आले.
*हे कार्य जोशी कुटुंबाच्या सामाजिक आणि धार्मिक वारशाचे प्रतिक आहे. आदरणीय प्रमोद बापू आणि सौ. ताई यांनी आपल्या दोन्ही सुपुत्रांना तसेच सुना नेहा आणि रोहिणी जोशी यांना समाजसेवेचे संस्कार दिले, जे आजही डॉ. किरण जोशी आणि श्री. मिलिंद जोशी यांच्या सहकार्याने पुढे चालू आहेत.*
*फार्मसी शिक्षण घेतलेल्या सौ. नेहा आणि सौ. रोहिणी जोशी यांनी घर व कुटुंब सांभाळूनही अनेक आरोग्य शिबिरे, कपडे दान, अन्नदान तसेच गरजू विद्यार्थ्यांसाठी वह्या, पुस्तके आणि दप्तरे वाटप करून समाजसेवेत मोठे योगदान दिले आहे. याची दखल घेत स्वराज्य क्रांती पँथर सेनेने प्रथमच दिराणी-जेठाणीला स्मृतीचिन्ह देऊन सन्मानित.केल्याने दिव्य महाराष्ट्र न्यूजचेउपसंपादक सतीश पाटील सह जय बाबाजी भक्त परिवाराकडून अभिनंदन होत आहे
