ज्या ठिकाणी आदिशक्ती मुक्ताई अंर्तध्यान पावल्या होत्या संत नामदेव महाराजांच्या अभंगात वर्णन असलेल्या पुरातन सोमेश्वर मंदीर , महर्षी परशुरामाने मारलेला बाण , तापीतीर हे सर्व पुरावे असुन ही या तीर्थक्षेत्रास शासकीय निधी मिळत नव्हता . मोकळा रस्ता सुध्दा उपलब्ध होत नव्हता . वास्तविक पाहता खान्देशातील सर्वच लोक प्रतिनिधीवर मुक्ताई ची कृपा झालेली आहे . परंतु हे जागृत तिर्थक्षेत्र अनेक वर्षा पासुन विकासापासून वंचित राहिले होते . मेहुण मंदिराच्या विकास कामासाठी जिल्हा परिषद माजी उपाध्यक्ष नंदकिशोर महाजन गेल्या दोन वर्षापासून पाठपुरावा करत असून , या मागणीला ग्रामविकास मंत्री गिरीश महाजन यांच्या तसेच पालकमंत्री गुलाबराव पाटील , मुक्ताईनगरचे आमदार चंद्रकांत पाटील यांच्या सहकार्याने तीर्थक्षेत्र ब चा दर्जा मिळून सुमारे दोन कोटी रुपयांच्य विकास कामांना मंजुरी मिळाली आहे .तापी तीरी असलेल्या आदिशक्ती मुक्ताई मंदिर श्रीक्षेत्र मेहून मंदिराच्या विकास कामांसाठी दोन कोटी रुपये मंजूर झाल्याने मेहुण मंदीराचे ह .भ.प रामराव महाराज , सारंगधर महाराज , सुधाकर महाराज ,विकास पाटील ,एसटी चौधरी , पंडित चौधरी , एकनाथ हरी , सुधाकर चौधरी , जनार्दन चौधरी ,नारायण पाटील ,सुनील चौधरी आदिंनी आभार व्यक्त केले आहे .
